Á döfinni

Á stjórnarfundi safnsins þann 19. janúar lét Stefán Jón Hafstein af störfum sem fyrsti formaður Víkurinnar- Sjóminjasafnsins í Reykjavík ses. Ástæða þess var að hann verður við störf erlendis næstu tvö árin.  Við af honum tók Árni Þór Sigurðsson, sem hafði gegnt embætti varaformanns í stjórninni. Vilhjálmur Þ. Vilhjálmsson borgarstjóri var kosinn nýr varaformaður stjórnarinnar.

Fyrsta sýningarhelgi ársins verður 13. - 14. janúar og verður safnið opið samkvæmt venju laugardag og sunnudag frá kl. 13 til 17. Í safninu eru nú þrjár sýningar, Togarar í 100 ár, Síldin á Sigló og Úr ranni forfeðranna. Síðastar sýningarhelgi Síldarinnar á Sigló verður 10. til 11. febrúar og sýningin Úr ranni forfeðranna verður tekin niður í mars.