Á döfinni

Sjóminjasafnið við Granda, safnið við sjóinn, býður ferðlanga velkomna á sumardaginn fyrsta. Í safninu verður leiðsögn um aðalsýningu safnsins, togarasýninguna, og hefst leiðsögnin klukkan tvö. Klukkan þrjú mun Bjarni Jónsson listmálari leiða gesti um málverkasýninguna Á flyðruvelli, en þar gefur að líta málverk sem sýna gamla árabátatímann. Síðast en ekki síst verða til sölu pönnukökur og lummur með kaffinu en aðgangur að safninu er ókeypis þennan dag.