Á döfinni

Sjóminjasafnið hefur opnað sýningu á verkum Bjarna Jónssonar listmálara. Sýningin ber heitið Horfnir sjávarhættir, en um er að ræða 61 þjóðháttamynd sem Bjarni hefur málað og veita fólki einstæða innsýn í menningu og starfshætti árabátatímans á Íslandi. Bjarni Jónsson teiknaði flestar skýringarteikningar í ritverkinu Íslenskir sjávarhættir og vann við það með Lúðvík Kristjánssyni í 27 ár. Afrakstur þeirrar vinnu er jafnframt myndirnar sem eru á þessari sýningu og sýna m.a. þekktar gerðir íslensku áraskipanna og það sem þau snertir.