Á döfinni

Safnanótt heppnaðist með eindæmum vel og vill Víkin – Sjóminjasafnið þakka öllum þeim sem lögðu leið sína á safnið fyrir komuna. Aðsókn var gríðarlega góð en um 900 manns komu á safnið. Veðrið var einstaklega gott og fjölbreytt dagskrá höfðaði til allra aldurshópa.

Þemað í ár var draugar og sjóræningjar og var því hægt að rekast á nokkra slíka hér á svæðinu.

Stórskemmtileg fjölskylduhátið með spennandi dagskrá. Þema hátíðarinnar að þessu sinni er ljós og vatn og ætlar Sjóminjasafnið að gera það með draugalegu ívafi.  Hér á safninu verður hægt að hitta ýmsa sérkennilega drauga og hressa sjóræningja. Frítt er á safnið og verður það opið til miðnættis. Léttar veitingar verða til sölu.