Á döfinni

Stjórn Faxaflóahafna hefur ákveðið að fjármagna á þessu ári klæðningu og einangrun á húsnæði Sjóminjasafnsins. Undirbúningur framkvæmdanna er þegar hafinn og er nú unnið að hönnun á klæðningu og framtíðarútliti gamla BÚR hússins. Þetta eru langþráðar framkvæmdir, enda er útlit hússins í dag fremur nöturlegt. Húsið mun hins vegar taka miklum stakkaskiptum þegar klæðningu þess lýkur og verða prýði hafnarinnar. Hér að neðan má sjá hugmynd að útliti hússins með nýjum inngangi frá höfninni, en þar verður aðalinngangur safnsins til framtíðar litið, þó svo að áfram verði inngangur frá götunni. Nýji inngangurinn er hannaður með nýtt skipulag við höfnina sem taka mun við þegar nýja Mýrargötuskipulagið verður orðið að raun innan fárra missera.