Á döfinni

Frá stofnun Sjóminjasafnsins í Reykjavík hafa fjölmargir komið og gefið safninu muni og myndir til varðveislu og sýninga. Konráð Sæmundsson, fyrrverandi sjómaður, kom 14. nóvember sl. færandi hendi með muni til Víkurinnar – Sjóminjasafnsins í Reykjavík og varð hundraðasti maðurinn frá upphafi sem gefur safninu muni. Um var að ræða þrjú skipslíkön sem hann hafði smíðað sjálfur. Tvö þeirra voru af skipum sem hann hafði verið á nokkrar vertíðir á síld, Sjöstjarnan EA 365 og Ester EA 8. Þriðja skipið er frá því fyrir hans tíð, þ.e. af kútter. Öll skipin eru listilega gerð og ennfremur hafa sildarbátarnir þjóðfræðilegt gildi, þ.e. þeir eru heimildir um hvernig hann man eftir þeim sem sjómaður.

Sigrún Magnúsdóttir, forstöðumaður Sjóminjasafnins, ásamt Konráði og skipslíkönum hans þremur sem hann færði safninu að gjöf.