Á döfinni

Á stjórnarfundi safnsins þann 19. janúar lét Stefán Jón Hafstein af störfum sem fyrsti formaður Víkurinnar- Sjóminjasafnsins í Reykjavík ses. Ástæða þess var að hann verður við störf erlendis næstu tvö árin.  Við af honum tók Árni Þór Sigurðsson, sem hafði gegnt embætti varaformanns í stjórninni. Vilhjálmur Þ. Vilhjálmsson borgarstjóri var kosinn nýr varaformaður stjórnarinnar. Stefáni voru þökkuð vel unnin störf.

Fráfarandi stjórn safnsins, frá vinstri er Vilhjálmur Þ. Vilhjálmsson borgarstjóri, Kristín Guðmundsdóttir, Stefán Jón Hafstein, Árni Þór Sigurðsson og Ágúst Ágústsson. Nýr maður í stjórn verður Helgi Pétursson.