Á döfinni

Sjóminjasafnið tekur að vanda þátt í Menningarnótt Reykjavíkurborgar, en að þeim degi loknum verður safnið lokað í þrjá mánuði. Það verða því síðustu forvöð að heimasækja safnið þetta sumarið og á Menningarnótt er boðið upp á skemmtilega dagskrá í Sjóminjasafninu, sem að stórum hluta er unnin í samstarfi við Þjónustumiðstöð Vesturbæjar. Í Sjóminjasafninu verður m.a. slegið upp bryggjuballi og Hildigunnur Sigurðardóttir fatahönnuður heldur sína fyrstu tískusýningu hér á landi. Í þá fatalínu sem Hildigunnur sýnir nú hefur hún sótt hugmyndir sínar í sjófatnað fyrri tíma.

Dagskrá Menningarnætur í Vesturbæ

11:00 Félagsmiðstöðin Aflagranda 40 opnar

11:10 Skemmtiatriði. Vinir Láru, Einar Aðalsteinsson og Halldór Ásgeirsson minnast Þórbergs Þórðarsonar í tónum og tali.

11:30 Matur í Aflagranda.

12:30 Menningarsöguganga frá Aflagranda að Sjóminjasafninu. Guðjón Friðriksson sagnfræðingur leiðir göngufólk um söguslóðir. Ekki missa af þessu!

14:00 Bryggjuball í Sjóminjasafninu. Ólafur Þ. Kristjánsson og Kjartan Jónsson leika og spila á harmonikku og gítar fyrir dansi.

16:00 Tískusýning í Sjóminjasafninu. Hildigunnur Sigurðardóttir fatahönnuður sýnir í fyrsta sinn hér á landi föt sem hún hefur hannað, en hún hefur m.a. sótt fyrirmyndir í sjófatnað fyrri tíma á Íslandi.