Á döfinni

Þessa dagana standa yfir miklar framkvæmdir við húsnæði Sjóminjasafnsins, bæði innan dyra og utan. Safnið er að innrétta nýtt móttöku- og sýningarými á neðri hæð og verður tekinn í notkun nýr inngangur þegar safnið opnar aftur. Stefnt er að enduropnun safnsins 30. nóvember n.k., en þá verður opnuð sýning í nýjum Bryggjusal í tilefni af 90 ára afmæli Reykjavíkurhafnar. Þá er einnig verið að innrétta nýja sali á efri hæð, en þar verða opnaðar sýningar á næsta ári. Í vetur verður jafnframt unnið að byggingu 3. hæðar ofan á safnið, sem reyndar tilheyrir ekki Sjóminjasafninu, og um leið verður unnið að því að setja nýja klæðningu á húsið.