Á döfinni

Metaðsókn var í Víkina þegar safnið var enduropnað á Hátíð hafsins eftir gagngerar breytingar og stækkun á sýningarými safnsins. Forseti Íslands, hr. Ólafur Ragnar Grímsson, opnaði safnið formlega ásamt Gísla Jónssyni, fyrrum starfsmanni BÚR, en þeir félagar opnuðu einnig safnið fyrir þremur árum. Við athöfnina flutti Einar K. Guðfinnsson, sjávarútvegsráðherra, ávarp og fagnaði þessum áfanga safnsins. Guðmundur Hallvarðsson, formaður Hollvinasamtaka Óðins, afhenti varðskipið safninu til varðveislu og Júlíus Vífill Ingvarsson, stjórnarformaður Faxaflóahafna, afhenti dráttar- og lóðsbátinn Magna til varðveislu.

Á Hátið hafsins var stöðugur straumur gesta í Sjóminjasafnið þar sem fólk skoðaði fimm nýjar sýningar og gekk síðan út í varðskipið og kannaði þann sérstaka heim sem skipið er. Aldrei hafa fleiri komið í heimsókn í safnið um eina helgi og gerðu gestir góðan róm að sýningum og húsnæði safnsins, sem hefur verið í mikilli endurnýjun undanfarin misseri.

Forseti Íslands opnaði safnið formlega ásamt Gísla Jónssyni, fyrrum starfsmanni BÚR.

Stöðugur straumur gesta við að skrifa í gestabók safnins.

Horft úr stigagangi yfir móttökusal, gufuvélin úr Sigríði í forgrunnni.

Fjölmenni í Bryggjusal að skoða sýninguna Lífæð lands og borgar.