Á döfinni

Veruleg fjölgun gesta Sjóminjasafnsins varð á milli sumarmánaða 2007 og 2008. Nærri lætur að gestafjöldi hafi þrefaldast á milli áranna, sé miðað við fjölda gesta í júní, júlí og ágúst. Viðtökur hafa því verið framar vonum eftir að safnið enduropnaði á Hátíð hafsins um mánaðarmótin maí/júní sl. Þessi fjölgun hefur jafnframt átt sér stað þrátt fyrir að húsið sé í raun ennþá á byggingarstigi utandyra og allt aðgengi að safninu hefur verið erfitt sökum framkvæmda við byggingu þriðju hæðar og klæðningar hússins. Framkvæmdirnar hafa dregist mun lengur en talið var og gerðu áætlanir til dæmis ráð fyrir að framkvæmdum við framhlið hússins sem snýr að Grandagarði yrði að mestu lokið fyrir 1. júní, en þær framkvæmdir standa hins vegar ennþá yfir. Þeim fer þó að ljúka og má gera ráð fyrir að Víkin - Sjóminjasafnið í Reykjavík verði klætt glæsilegum búningi á komandi ári.