Á döfinni

Í upphafi ársins lét Sigrún Magnúsdóttir af starfi forstöðumanns Víkurinnar – Sjóminjasafnsins í Reykjavík. Undirbúningur hófst að stofnun safnsins árið 2001, þegar borgarráð skipaði nefnd til að hefja undirbúning að stofnun sjóminjasafns í Reykjavík. Sigrún veitti því starfi forstöðu frá upphafi og tók síðan við starfi forstöðumanns Víkurinnar eftir að safnið var formlega stofnað 30. nóvember 2004. Á þessum árum hefur Sjóminjasafnið verið byggt upp af eftirtektarverðum myndarbrag undir forystu Sigrúnar. Undir lok síðasta árs óskaði hún eftir því við stjórn safnsins að fá lausn frá starfi forstöðumanns og starfa þess í stað í 60%  starfshlutfalli sem kynningarfulltrúi safnsins. Stjórn safnsins féllst á þessa ósk Sigrúnar og mun hún starfa áfram við kynningarmál Sjóminjasafnsins. Stjórnin þakkar Sigrúnu fyrir einstaklega góð störf í þágu uppbyggingar safnsins í starfi sínu sem forstöðumaður frá stofnun Sjóminjasafnsins.

Við starfi Sigrúnar tekur Eiríkur P. Jörundsson sagnfræðingur.