Á döfinni

Safnanótt heppnaðist með eindæmum vel og vill Víkin - Sjóminjasafnið þakka öllum þeim sem lögðu leið sína á safnið fyrir komuna. Aðsókn var gríðarlega góð en um 900 manns heimsóttu safnið. Veðrið var mjög gott og fjölbreytt dagskrá höfðaði til allra aldurshópa.

Þemað í ár var draugar og sjóræningjar og var því hægt að rekast á nokkra slíka hér á svæðinu.

 Varðskipið Óðinn var opið og fyrrum landhelgisgæslumenn leiðbeindu fólki um skipið og svöruðu spurningum.
Eitthvað urðu gestir varir við draugagang um borð en það voru nú einungis vinalegir draugar.

Víkin - Sjóminjasafnið vill þakka öllum þeim sem komu að gerð dagskráarinnar.

Sérstaklega vakti Svabbi sjóari úr Stundinni okkar athygli barnanna með sprelli sínu og ýkjusögum af sjónum.