Á döfinni

Á Hátíð hafsins voru opnaðar þrjár nýjar sýningar. Það eru sýningarnar Saga seglanna, Hafnarfjarðarhöfn í 100 ár sem er farandsýning í nýjasta sal safnsins og sýning frá félagi íslenskra bútasaumskvenna Hafið.

Saga seglanna er skemmtileg sýning sem sýnir með hvaða hætti Íslendingar bjuggu til segl áður fyrr. Þar gefur á að líta hin ýmsu verkfæri sem voru nýtt, stærðar seglasaumavél og líkön af árabátum og skipum undir fullum seglum. Einnig má sjá þar árabátinn Farsæl sem var smíðaður í Vestmannaeyjum rétt eftir aldamótin 1900.

 
Árabáturinn Farsæll

Hafnarfjarðarhöfn í 100 ár er ljósmyndasýning frá Byggðasafni Hafnarfjarðar. Eru þetta áhugaverðar og skemmtilegar mann- og bæjarlífsmyndir. Sýningin er í nýjasta sal safnsins, sem er inn af safnkaffinu.

Hafið er litrík sumarsýning á vegum Íslenska bútasaumsfélagsins. Þemað passar einstaklega vel í umhverfi safnsins og gefur því skemmtilegan svip. Í þessum flotta hópi veggteppa eru meðal annars vinningsteppin þrjú.

 
Myndin sem hlaut 1. sæti

 
Teppið sem hlaut 2. sæti

 
Teppið sem var í 3. sæti