Á döfinni

Þann 30. nóvember síðastliðinn var því fagnað að liðin eru fimm ár frá formlegri stofnun safnsins. Af þessu tilefni var opnuð ný sýning, Minjar segja sögu. Þar er sýnt úrval muna og mynda úr geymslum safnsins. Sýningunni er ætlað að varpa ljósi á það mikilvæga innra starf safnsins sem felst í skráningu, rannsóknum og varðveislu minja og mynda.



Í vörslu Víkurinnar eru nú um 4000 safngripir og er þessari sýningu ætlað að veita gestum innsýn í samsetningu og umfang þeirra. 90% þessara muna eru í eigu safnsins, um 10% eru eign Minjasafns Reykjavíkur. Þessi safnkostur telst nokkuð ríflegur fyrir ungt safn og þó er ljóst að streymi gripa til safnsins verður einnig mikið næstu árin.



Enginn gripur hefur verið keyptur enn sem komið er og hefur því fjöldi manns sýnt safninu mikið örlæti með því að gefa því verðmæta muni. Þeim er þakkað hér með.

Þegar Víkin var stofnuð 2004, álitu margir að of seint hafi verið farið af stað með söfnun sjóminja í borginni. Rétt er að miklu hefur verið fleygt sem erfitt verður eða ókleift að bæta. En í ljós hefur komið að meira hefur verið varðveitt en margur taldi, bæði hjá einstaklingum, stofnunum og fyrirtækjum.



Einnig nýtur safnið þess að bæði Minjasafn Reykjavíkur og Þjóðminjasafnið hafa tekið við sjóminjum í gegnum tíðina í nokkrum mæli.

Ásamt gripunum hefur Víkinni borist allmikill fjöldi mynda af ýmsu tagi og eru sýnishorn af þeim sömuleiðis hér á sýningunni.




Kræsingar sem voru á boðstólum fyrir veislugesti


Gestir á opnuninni


Verið að gæða sér á harðfisk


Af sýningunni


Gestir á sýningaropnun